Nass el ghiwane - Legufifa

لَگْفِيفَة
----------------------------------

تْعَالَى تْعَالَى وَاشْ مْنْ جَا يَتْـكَلـْـم
تعالى تعالى واش من جا يلْگانـا
مْنْ زْمان بْعيدْ وْ رَاسْنا عَلْى القبلة
وا مَثْلي تْعالى
لاَ حَدْ مِنَّا فْ يُومْ انْساهْ شيطانُه
تعالى تعالى واش من جا يتـكلــم
تعالي تعالي واش من جا يلگانـا
أَوَاهْ وَاهْ أَوَاهْ وَاهْ
هذا حال الدنيا الله
شِي الْگَى كُلْ مَا بْغَى يَلْگاه
كل يوم مع الخليلة ملگاه
يبيع القرد ويضحك على من شراه
أواه واه أواه واه
أواه واه أواه واه
هذا حال الدنيا الله
شي بالشّْوَا فطورُه وعشاهْ
شي يْصُول بسيفه وامَمْضاهْ
نازل على من بغا يْتْحدَّاهْ
أواه واه أواه واه
أواه واه أواه واه
هذا حال الدنيا الله
شي لگفيفة غالباه
الأرض فراشه والسّْمَا غْطاهْ
عايمْ فْ الغِيْسْ من گْدامُه لگفاهْ
أواه واه أواه واه
أواه واه أواه واه
هذا حال الدنيا الله

Télécharger GRATUITEMENT
Legufifa de Nass el ghiwane
Liens commerciaux
Liens commerciaux