Hamzaoui med amin - Des images

كثرت بينا لحكايات لين ولّينا des images ..
تلقى حياتك مسرحيّة و إنتي فيها الـ personnages
و الـ finish علينا حق ما فمّاش avantage

عالم لغرايب عالم لعجايب
عالم ما رينا منّوا كان لمسّخ كان الخايب
عالم ما تلڨى فيه كان الضّمير الغايب
كي هذا ما يهمّوش في وقت الحاجة و المصايب
تارك والديك كان دعاء الشّر لروحك جايب
تنادي لمّك لعزوزة و بوك الشّايب
يجيك نهار ولادك يعايروك يا عايب

لآخر يرڨد في الليل معنڨ الوسّادة
ناسي برشا حاجات في حياتو و إلّي قراه ما فاده
ما جاه النّوم بالـكوشمارات مادام ناسي الولّادة
نسيتوا العقيدة .. نسيتوا العبادة
تي بلّي فاسد بلّي ما يعرف سجّادة
لازم لمّيمة راضية قبل الشّهادة

لخرى طفلة مسكينة تعاني شتخلط عالشّهريّة
هي و أندادها ما همش فرد ثنيّة
تخدم في معمل يظهرلي في برج السّدريّة
300 دينار شهريّة .. تڨول عاملين عليها مزيّة
زيد تصرف عالعيلة هي .. ماو عيلتهم زوّاليّة
باش بوها يعيش لازمو طبيب و دوايات
ما تنساش هي راس الهم تڨاسي في الأخوات
ڨليّبها مات .. بدنها عرّات à savoir الليلة فانا فرش باش تبات

خونا عايش بطّال يحب لفلوس و حّدها تجي
عمرو عدّاه في القهوة شكبّة belote و رامي
كاسو المحنة كي تركب في مخّو تشنعلوا
يعمل مشية للـ Europe و المال باش يتــــوزّعلوا
ناسي إلّي يحسب حسبة في لخّر آشنيّة تطــلعلو
إلى متى باش تقعد الحومة تلمّك
إلى متى باش تقعد مسلّم أمرك
إلى متى شتخلّي لبطالة تغمّك
بربّي مرّة في حياتك حاول تفرّح أمّك
إلى متى باش تقعد الحومة تلمّك

عنّا مليان الجيب النّاس تخاف ما يكلّموه
يحكي مع الزّوالي بحڨرة هاو لفلوس آش علّموه
حاشا لبعيدة جبري كي يبزق يقول تفوه
آخرها البارح غرّوه .. في تركينة حصروه
و إلّي دزّو موش خوه .. في دمّو غرّقوه
و في الشّارع كركروه .. لين خذاو حقهم فكوه
من غدوة العنوان في الجريدة تقراوه
رجل أفلام في زنقة ظلام ميّت و لوّحوه

ولد جارتنا صغير ما يروّح كان ما يتـڨد
باعثها الدّنيا طايش عايش ما على بالو بحد
أمّو تمسح في الدّيار المغبونة مصروفو تمدّ
يمشي جرية للّحام يشامي ياخوا باش ما يفد
مصموت مبحبح و الأمور ڨد ڨد
لمسيكن شايخ دايخ رايح بورقة في مكتوبو تشدّ
أمّوا يرحمها بكات إلي ما بكاشو حدّ

و فمّا بنت أكابر بوها ربّاها في العزّ
هايمة في الحب مع سنڨور يخطف و يدز
الغيرة عندو بالشّلبوق و ما فمّاش حدّ يحزّ
و زاد لعبّلها بعقلها و ماك تعرف الحب يلزّ
قالتلو باهي أخطبني .. ڨاللها تي تڨعّد فز
يا قالتلو نحبّك .. ڨلّها عندي ما أعزّ

و الله ما نسيتك يا عمّ الحـــاج
بيتو في دار العجّز premier étage
لعكّاز ديما في يدّو من غير الـ lunette مايراش
يستنّى في الموت يا موت و عزرائيل ما بطاش
عاش حياتو ومية فيلم من غير montage
آش و سبعين سنة تقول عليهم 5 دراج
ولادو جاهم لخبر قالو رحل c'est dommage

و أعطف علّي لم فلوس و مشى في شقف الغربة
بلّي غارق في الماء بلّي وصل و مسّ التّربة
شاڨڨ لحدود طاحلها تڨحيف و طلبة
فمّا إلّي فهم اللعبة و طرطر jamais كان جبان
حلّبلها حكاية حولة ماهوش برّ الأمان
فمّا إلي تبّع جرّة فاسده و هو غاويه الشيطان
عندو في مخّو objectif لازمو يحقّق الأحلام
الشّاڨي ليوما تعبان .. غريب متغرّب عندو عوام
لفلوس يدزّ في المنام .. الـ risque فعل موش كلام
و لعبوهالو في الظّلام .. و فات على وقت الشّعفان
و الميّت ديما ندمان .. روّح صندوق فيه الجثمان
عبدك و ليوم يا رحمان ...
قاصد فضلك رحمان يا رحمانقاصد فضلك رحمان يا رحمان .. هذا عبدك و اليوم يا رحمان

قلتلكم عيشة merda مع عقليّات sauvages ..
كثرت بينا لحكايات لين ولّينا des images ..
تلقى حياتك مسرحيّة و إنتي فيها الـ personnages
و الـ finish علينا حق ما فمّاش avantage
hatta la3bed ma 3andhom 7ila fi idihom nar che3let bel hozn قاصد فضلك رحمان يا رحمانقاصد فضلك رحمان يا رحمان

Télécharger GRATUITEMENT
Des images de Hamzaoui med amin