Faiza ahmed - آخد حبيبي

آخد حبيبي يانا يامه ..آخد حبيبي يا بلاش
زارع ف قلبي وردة ..والنبي يامه ما تقطفيهاش
غازلاله ياما بايدي الطاقية
وإزاي يامه ما يلبسهاش ؟
من صغري معاه أنا يامه .. من صغري معاه
عارفة لما يغيب يا أمايا .. شمسي تغيب وياه
اللي ما بعرفهوش يا أمايا .. ولا اللي أنا عارفاه
شمسي هو .. قمري هو
عنه ما بستغناش
غازلاله ياما بايدي الطاقية
وإزاي يامه ما يلبسهاش ؟
علي وردة ف جنينة .. نقشنا اسمنا
وعشنا كل ليلة .. نزوق عمرنا
بضحكة حلوة مرة .. وبدقة قلبنا
مشواري هو .. وداري هو
يامه ما تبعديناش
غازلاله ياما بايدي الطاقية
وإزاي يامه ما يلبسهاش ؟
يا أمايا أنا .. في الليل لوحدي يامه
قمري انا سهران
يامه .. ايدي علي خدي يامه
قلبي أنا حيران
وتقوليلي ليه سهرانة ؟ سهرانة ليه وحيرانة ؟
دنيايا هو .. وعمري هو ..
يامه ما بتبعديناش
غازلاله ياما بايدي الطاقية
وإزاي يامه ما يلبسهاش ؟

كلمات : مجدي نجيب
ألحان : محمد سلطان

Télécharger GRATUITEMENT
آخد حبيبي de Faiza ahmed