Amawas - Udad

Nzant

Nzant meqqar tuzzelt kiyyin tahlt
Awin gik ismedan d temmariwin
Afus ula yadar ccant n isennan
Ttut mad ur igin ad tnt ttannayt
Nettentin jjawent gh tuga lli nit ttirint
Kiyyin tizi ghd udant tannit arraw
Tafukt tsmun azenzar hiyylent tillas
Taghwrit tella frujjant akw talatin
Termit ! mach tawargit nek mmiment
Anaruz illan gh ugnes ifkak tumert
Tutt sisent aggas ttut irafan
Asekka nek afa ttazzalt ar tterfufunt
Manzat ?! bu taddart ttun tammara nek !
Zzenzan tid fa ttazzalt urak t nnin
Tettast nettan tagdift ak mmalan
Ull nek zund aznzar fkank i tillas
Nzant ! aggas ad tgit illa f wakal
Tudert aghdejaj nk ini isasan
Tutilt anaruz nek manik yuman ?!
Tallat ulawen n uzzal ura tmussun !
Walli tnt izenzan kiyyin ad wattesn
Meyarn gik ad tgent ura tmussut
Awal nek zund igigil ur ak t n rin
Kiyyin tgit aznezum trakin tmettant
Nzant ! ametta nek iggut ur as sellan
Ur ad ssemghurn isa smezziyn igh ad tsulut
Assa n tzrit targagayt taft agharas
Tigemmi rad ak d aggint mad tten t yusin
Willi isekkan agadir llan gh isental
Wiyyad ccan imendi nes awin tillas

Télécharger GRATUITEMENT
Udad de Amawas